Компјутерски мрежи

Нови поими: компјутерска мрежа, сервер, клиент, локална мрежа (LAN), глобална мрежа (WAN), делење ресурси (Sharing)

Компјутерски мрежи се множество меѓусебно поврзани компјутери.

• Компјутерите во компјутерските мрежи може:
  -меѓусебно да делат заеднички хардверски уреди, како печатар, скенер и др.,
  -да си разменуваат програми и фајлови и слично.
• Според тоа колку се оддалечени еден од друг компјутерите што се поврзани во мрежата, постојат:

Локални мрежи (LAN local area network) кои поврзуваат компјутери што се наоѓаат на мало меѓусебно растојание  (пр. компјутери во една училница, канцеларија, куќа, зграда и слично.

Глобални мрежи (WAN wide area net­work) кои поврзуваат компјутери што се наоѓаат на меѓусебно големо географско растојание.  (пр.  во една држава, во различни држави или континенти)

За поврзување во локална мрежа секој од компјутерите поврзан во мрежата треба да има своја мрежна картичка.

Уредот кој го овозможува преносот на податоците меѓу компјутерите во локалната мрежа се вика свич (switch) т.е. рутер (router).
Рутерот е уред кој овозможува една локална мрежа да се поврзе со други мрежи (на пример, други локални мрежи или Интернет).

• За поврзување во WAN мрежа се користат сателитите, телефонски линии, трансокеанските кабли и слично.
• Компјутерите во компјутерските мрежи може да бидат:  сервери или клиенти.
• Сервери се компјутери-опслужувачи и на нив се собираат податоците и се доставуваат до другите компјутери во мрежата, кои ги нарекуваме клиенти.
• На серверот се приклучени и уреди, како, на пример, печатачот или скенерот, до кои имаат пристап и клиентите.
• Клиентите можат да разменуваат податоци меѓу себе, но и таа размена оди преку серверот.